சரவணன் நடிக்கும் தி லெஜண்ட் திரைப்படத்தின் அப்டேட் வெளியாகி உள்ளது.
சரவணா ஸ்டோர் விளம்பரத்தில் நடித்த கடையின் உரிமையாளரான சரவணன், அவர்களே விளம்பரத்தில் நடித்து பிரபலமானார். இவர் விளம்பரங்களில் முன்னணி நடிககைகளுடன் நடித்துள்ளார். இந்நிலையில் இவர் தற்போது ஹீரோவாக தி லெஜெண்ட் படத்தில் நடித்துள்ளார். இவர் திரைப்படத்தில் ஹீரோவாக நடித்து அவரே தயாரித்துள்ளார். இப்படத்தின் கதாநாயகியாக பாலிவுட் நடிகை உர்வசி ரவ்தெலா நடித்திருக்கின்றார். இப்படத்தை ஜே.டி மற்றும் ஜெர்ரி இயக்கி உள்ளனர்.மேலும் ஒரு பாடலுக்கு யாஷிகா ஆனந்த் நடனமாடியுள்ளார்.
இத்திரைப்படத்திற்கு ஹாரிஸ் ஜெயராஜ் இசையமைத்துள்ளார். மேலும் வருகின்ற ஜூலை 28ஆம் தேதி திரையில் படம் வெளியாக உள்ளதாக அதிகாரப்பூர்வமாக அறிவிக்கப்பட்டது. இத்திரைப்படம் பான் இந்தியா திரைப்படமாக வெளியாக இருக்கின்றது குறிப்பிடத்தக்கது. இந்த நிலையில் படத்திலிருந்து வெளியான மொசலோ மொசலு பாடல் ரசிகர்களிடையே வரவேற்பை பெற்றிருக்கின்றது. அதில் யாஷிகா மற்றும் பல நடிகைகளுக்கு மத்தியில் எனர்ஜிடிக்காக நடனம் ஆடியுள்ளார் சரவணன். படத்திற்கு பாடல்கள் பக்கபலமாக அமைந்திருக்கிறது.