சர்தார் படத்தில் கார்த்தியின் கதாபாத்திரம் குறித்த தகவல் வெளியாகியுள்ளது .
தமிழ் திரையுலகில் நட்சத்திர நாயகனாக வலம் வரும் கார்த்தி நடிப்பில் வெளியான சுல்தான் திரைப்படம் ரசிகர்களிடையே நல்ல வரவேற்பை பெற்றது. இதை தொடர்ந்து இவர் இயக்குனர் மணிரத்னம் இயக்கத்தில் உருவாகி வரும் பொன்னியின் செல்வன் படத்தில் நடித்து வருகிறார். இதனிடையே இயக்குனர் பி.எஸ்.மித்ரன் இயக்கத்தில் கார்த்தி நடிக்கும் சர்தார் படத்தின் மோஷன் போஸ்டர் வெளியாகி ரசிகர்களை வெகுவாக கவர்ந்தது . இந்த படத்தில் ராசி கண்ணா, ரெஜிஷா விஜயன் இருவரும் கதாநாயகிகளாக நடிக்கின்றனர். மேலும் இந்த படத்தில் சிம்ரன் ஒரு முக்கிய கதாபாத்திரத்தில் நடிக்கிறார். இசையமைப்பாளர் ஜிவி பிரகாஷ் இந்தப்படத்திற்கு இசையமைக்கிறார்.
இந்நிலையில் இந்த படத்தில் கார்த்தியின் கதாபாத்திரம் குறித்த தகவல் வெளியாகியுள்ளது. சர்தார் படத்தில் கார்த்தி இரட்டை வேடத்தில் நடிக்க இருப்பதாகவும் அதில் ஒன்று போலீஸ் கதாபாத்திரம் என்றும் கூறப்படுகிறது . ஏற்கனவே கார்த்தி சிறுத்தை, காஷ்மோரா ஆகிய படங்களில் இரட்டை கதாபாத்திரத்தில் நடித்திருந்தார் என்பது குறிப்பிடத்தக்கது . தற்போது மூன்றாவது முறையாக கார்த்தி இரட்டை வேடத்தில் நடிக்க உள்ளார்.