ஐரோப்பிய நாடான அண்டோரா நாட்டில் சர்வதேச சதுரங்க ஓபன் போட்டி கடந்த ஜூலை மாதம் 24 ஆம் தேதி முதல் 31ஆம் தேதி வரை நடைபெற்றது. இந்த போட்டியில் இந்தியா சார்பில் ஈரோட்டை சேர்ந்த பிரபல சதுரங்க வீரரும் சர்வதேச கிராண்ட் மாஸ்டர்ருமான இனியன் பங்கேற்று விளையாடி உள்ளார். இந்த போட்டியில் 22 நாடுகளை சேர்ந்த கிராண்ட் மாஸ்டர்கள் ஒன்பது பேர், சர்வதேச மாஸ்டர்கள் 24 பேர் உட்பட 146 சர்வதேச போட்டியாளர்கள் பங்கேற்று விளையாடி உள்ளனர். ஈரோடு கிராண்ட் மாஸ்டர் இனியன் கிளாசிக்கல் பிரிவு மற்றும் கிராண்ட் பிரிக்ஸ் வரைவு போட்டி என்று இரண்டு பிரிவுகளிலும் கலந்து கொண்டு விளையாடி உள்ளார்.
கிளாசிக்கல் பிரிவில் ஒன்பது சுற்று போற்றிகள் நடைபெற்றது. இதில் இனியன் 5 சுற்றுகளில் வெற்றி பெற்றுள்ளார். 4 போட்டிகளை டிரா செய்துள்ளார். இதன் மூலமாக 7 புள்ளிகள் பெற்றார். இதுபோல் ஸ்பெயின் நாட்டை சேர்ந்த கிராண்ட் மாஸ்டர் லோபஸ் மார்ட்டினஸ் 7 புள்ளிகள் பெற்றார். இனியன் மற்றும் லோபஸ் மார்ட்டினஸ் இரண்டு பேரும் ஒரே புள்ளிகள் பெற்று முதலிடத்தில் இருந்தனர். அதனை தொடர்ந்து போட்டி நடுவர்கள் டைப்ரேக் முறையில் முடிவு அறிவித்துள்ளனர். அதில் இந்திய வீரர் கிராண்ட் மாஸ்டர் இனியன் வெற்றி பெற்றுள்ளார். இதேபோல கிராண்ட் பிரிக்ஸ் வரைவு போட்டி 9 சுற்றுகளாக நடைபெற்றுள்ளது. இதில் இனியன் ஏழு சுற்றுகளில் வெற்றி பெற்றார். இரண்டு சுற்றுகளை சமன் செய்தார். இதன் மூலமாக 8 புள்ளிகள் பெற்று கிராண்ட் மாஸ்டர் இனியன் சாம்பியன் பட்டம் வென்றுள்ளார். அவருக்கு போட்டி அமைப்பாளர்கள் சாம்பியன் கோப்பையை வழங்கியுள்ளனர்.