பிரபாஸ் நடிப்பில் உருவாகி வரும் சலார் படத்தில் பிரபல பாலிவுட் நடிகை வாணி கபூர் இணைந்துள்ளதாக தகவல் வெளியாகியுள்ளது.
பாகுபலி என்ற பிரம்மாண்ட படத்தின் மூலம் இந்திய அளவில் பிரபலமடைந்தவர் பிரபாஸ். தற்போது இவர் நடிப்பில் சலார், ஆதிபுருஷ், ராதே ஷ்யாம், ஆகிய படங்கள் உருவாகி வருகிறது. இதில் சலார் படத்தை கே.ஜி.எப் பட இயக்குனர் பிரசாந்த் நீல் இயக்கி வருகிறார். இந்த படத்தில் ஸ்ருதிஹாசன் கதாநாயகியாக நடிக்கிறார். மேலும் பிரபல கன்னட நடிகர் மது குருசாமி வில்லனாக நடிக்கிறார். தெலுங்கு, கன்னடம் ஆகிய மொழிகளில் உருவாகி வரும் இந்த படம் தமிழ், ஹிந்தி, உள்ளிட்ட பிற மொழிகளில் டப் செய்யப்பட்டு வெளியாக உள்ளது.
கொரோனா ஊரடங்கு காரணமாக நிறுத்தி வைக்கப்பட்டுள்ள இந்த படத்தின் படப்பிடிப்பு விரைவில் தொடங்கப்பட உள்ளது. இந்நிலையில் சலார் படத்தில் பிரபல பாலிவுட் நடிகை வாணி கபூர் இரண்டாவது ஹீரோயினாக நடிக்க ஒப்பந்தம் செய்யப்பட்டுள்ளதாக தகவல் வெளியாகியுள்ளது. விரைவில் இதுகுறித்த அறிவிப்புகள் வெளியாகும் என எதிர்பார்க்கப்படுகிறது.