சாதிய பாகுபாடு பார்க்காமல் அனைத்து சமூகத்தினருக்கும் பிரதிநிதித்துவம் அளிக்க வேண்டும் என்று முதல்வர் முக ஸ்டாலின் மூத்த நிர்வாகிகளுக்கு கடிதம் எழுதியுள்ளார்.
நடந்து முடிந்த சட்டப்பேரவைத் தேர்தலில் பெரும்பான்மையான இடங்களில் வெற்றி பெற்று திமுக கட்சி ஆட்சி அமைத்தது. இந்த கட்சியின் தலைவர் மு க ஸ்டாலின் தமிழக முதல்வராக பொறுப்பேற்றார். இவர் பொறுப்பேற்றதும் பல நலத்திட்டங்களை செய்து வருகிறார். தற்போது ஜூன் மாதம் நடக்க இருக்கும் மாநிலங்களவை தேர்தல் தொடர்பாக திமுக மூத்த நிர்வாகிகளுக்கு கடிதம் ஒன்றை எழுதியுள்ளார்.
அந்த கடிதத்தில் மாநிலங்களவை உறுப்பினர்கள் தேர்தலில் ஒரு குறிப்பிட்ட சமூகத்தினருக்கு கூடுதல் முக்கியத்துவம் அளிக்காமல் தகுதி அடிப்படையில் தேர்வு செய்து அனைத்து சமூகத்தினருக்கும் பிரதிநிதித்துவம் அளிக்க வேண்டும் என்று அந்த கடிதத்தில் வலியுறுத்தியுள்ளார். ஜூன் மாதம் நடைபெறவிருக்கும் மாநிலங்களவைத் தேர்தலில் திமுக சார்பில் நான்கு பேர் உள்ளனர் என்பது குறிப்பிடத்தக்கது.