சாத்தான்குளம் தந்தை, மகன் கொலை வழக்கு!…. மீண்டும் அவகாசம்…. ஐகோர்ட் உத்தரவு….!!!!!

சாத்தான்குளம்  போலீஸ் நிலையத்தில் காவல்துறையினரால் தாக்கப்பட்டு ஜெயராஜ், அவருடைய மகன் பென்னிக்ஸ் போன்றோர் உயிரிழந்த சம்பவம் குறித்து சிபிஐ கொலை வழக்குப்பதிவு செய்தது. இவ்வழக்கு மதுரை மாவட்ட நீதிமன்றத்தில் விசாரிக்கப்பட்டு வருகிறது. இந்த வழக்கை விரைந்து விசாரித்து தீர்ப்பு வழங்க உத்தரவிடக்கோரி ஜெயராஜின் மனைவி செல்வராணி, மதுரை ஐகோர்ட்டில் மனுத் தாக்கல் செய்திருந்தார்.

இம்மனுவை முன்பே விசாரித்து அந்த கொலை வழக்கு விசாரணையை 6 மாதத்துக்குள் முடிக்க ஐகோர்ட்டு உத்தரவிட்டிருந்தது. இதையடுத்து கொரோனா உள்ளிட்ட காரணங்களால் 6 மாதத்திற்குள் விசாரணையை முடிக்க இயலவில்லை. ஆகவே விசாரணையை முடிக்க மேலும் அவகாசம் வழங்கவேண்டும் என கீழ் கோர்ட்டு தரப்பில் கோரப்பட்டத்தை அடுத்து, மீண்டுமாக 5 மாத கூடுதல் அவகாசம் ஐகோர்ட்டு வழங்கியது. இந்நிலையில் இந்த வழக்கு நீதிபதி முரளிசங்கர் முன் மீண்டும் விசாரணைக்கு வந்தது.

இந்த சூழ்நிலையில் மாவட்ட கோர்ட்டு சார்பாக சாத்தான்குளம் வழக்கில் சேர்க்கப்பட்ட 105 சாட்சிகளில் 55 -60 சாட்சிகளே முக்கியமானவர்களாக அடையாளம் காணப்பட்டுள்ளனர். வாரத்துக்கு 2 தினங்கள் வழக்கு விசாரிக்கப்படுகிறது. இதற்கிடையில் குற்றம் சுமத்தப்பட்டுள்ள 9 போலீசாருக்கான, வக்கீல்களும் சாட்சிகளை குறுக்கு விசாரணை செய்வதால் காலதாமதம் ஏற்படுகிறது. ஆகவே மேலும் 4 மாத கூடுதல் அவகாசம் வழங்க வேண்டும் என கேட்டுக்கொள்ளப்பட்டது. அதை ஏற்றுக்கொண்ட நீதிபதி மேலும் 4 மாத அவகாசம் அளித்து அதற்குள் விசாரணையை முடிக்க உத்தரவு பிறப்பித்தார்.