டிஎன்பிஎஸ்சி சார்பாக வருகின்ற ஜூலை 28ஆம் தேதி நடத்தப்பட இருந்த சான்றிதழ் சரிபார்ப்பு வருகின்ற ஆகஸ்ட் 1ஆம் தேதிக்கு மாற்றப்பட்டுள்ளதாக அறிவிப்பு வெளியாகி உள்ளது. மீன்வளத் துறையில் இளநிலை பொறியாளர், பொதுப்பணித்துறையில் இளநிலை வரைவாளராகியபணிகளுக்கான இரண்டாம் கட்ட அசல் சான்றிதழ் சரிபார்ப்பு மற்றும் கவுன்சிலிங் ஜூலை 28ஆம் தேதி நடக்கும் என்று டி என் பி எஸ் சி அறிவித்திருந்தது.
இந்நிலையில் ஜூலை 28ஆம் தேதி 44 வது சர்வதேச செஸ் ஒலிம்பியாட் போட்டி தொடங்க உள்ளது. அதனால் 28ஆம் தேதி அரசு உள்ளூர் விடுமுறை அறிவித்துள்ளது.எனவே அன்றைய நாளில் திட்டமிட்டுள்ள சான்றிதழ் சரிபார்ப்பு பணி ஆகஸ்ட் 1ஆம் தேதி காலை 10 மணிக்கு நடத்தப்படும் என டிஎன்பிஎஸ்சி தெரிவித்துள்ளது.