பள்ளி மாணவர்களை தேனீக்கள் கொட்டிய சம்பவம் பெரும் பரபரப்பை ஏற்படுத்தியுள்ளது.
விழுப்புரம் மாவட்டத்தில் உள்ள திருவெண்ணைநல்லூர் அருகே புனித ஜான் மேல்நிலைப் பள்ளி அமைந்துள்ளது. இந்த பள்ளியில் 400-க்கும் மேற்பட்ட மாணவ-மாணவிகள் படித்து வருகின்றனர். இந்நிலையில் மாணவர்கள் பள்ளியில் மதிய உணவு சாப்பிட்டுக் கொண்டிருந்தனர். அப்போது மரங்களில் கூடு கட்டியிருந்த தேனீக்கள் திடீரென மாணவர்களைத் தாக்கியது. இதில் 55 மாணவர்கள் மயக்கம் அடைந்தனர்.
இவர்களை 108 ஆம்புலன்ஸ் மூலம் திருவெண்ணைநல்லூர் அரசு மருத்துவமனைக்கு சிகிச்சைக்காக அனுப்பி வைத்தனர். அங்கு மாணவர்களுக்கு தீவிர சிகிச்சை அளிக்கப்பட்டு வருகிறது. இதுகுறித்து மாவட்ட ஆட்சியர் மற்றும் காவல்துறையினருக்கு தகவல் தெரிவிக்கப்பட்டது. அந்த தகவலின்படி மாவட்ட ஆட்சியர் சிகிச்சை பெற்று வரும் மாணவர்களை நேரில் சென்று பார்த்தார். மேலும் தீயணைப்புத் துறையினரால் மரங்களில் கூடு கட்டி இருந்தால் தேனீக்கள் அளிக்கப்பட்டது.