சாலையின் நடுவே சாராயம்… கோபத்தில் கொந்தளித்த இளைஞர்கள்… சமாதானப்படுத்திய காவல்துறையினர்…!!

சாராயம் விற்பனை செய்பவர்கள் மீது உரிய நடவேடிக்கை எடுக்குமாறு இளைஞர்கள் சாலை மறியல் போராட்டதில் ஈடுபட்ட சம்பவம் பரபரப்பை ஏற்படுத்தியுள்ளது.

கள்ளக்குறிச்சி மாவட்டதில் உள்ள பொரசக்குறிச்சி கிராமத்தில் டியூப்பில் வைத்து சாராயம்  விற்பனை செய்யப்படுவதாக அப்பகுதியில் வசிக்கும் பொது மக்களுக்கு தகவல் கிடைத்துள்ளது. அந்த தகவலின்படி அங்குள்ள இளைஞர்கள் விரைந்து சென்று சாராயத்தை கைப்பற்றியுள்ளனர். இதனை அடுத்து கள்ளக்குறிச்சி அடரி சாலையின் நடுவே ஒரு பெரிய பேரலில் அந்த சாராயத்தை ஊற்றி இளைஞர்கள் முக கவசம் அணிந்து திடீரென போராட்டத்தில் ஈடுபட்டுள்ளனர். இதனால் போக்குவரத்துக்கு கடுமையாக பாதிக்கப்பட்டது.

இது குறித்து தகவலறிந்த காவல்துறையினர் சம்பவ இடத்திற்கு விரைந்து சென்று மறியலில் ஈடுபட்ட இளைஞர்களுடன் பேச்சுவார்த்தையில்  ஈடுபட்டுள்ளனர். இதுகுறித்து இளைஞர்கள் கூறும் போது, சாராய விற்பனை செய்யப்படுவதாக ஏற்கனவே பலமுறை புகார் கொடுத்தும் எந்த வித நடவடிக்கையும் எடுக்கப்படவில்லை என தெரிவித்துள்ளனர். அதற்கு காவல்துறையினர் சாராய விற்பனை செய்பவர்கள் மீது உரிய நடவடிக்கை எடுக்கப்படும் என்று உறுதியளித்தை அடுத்து இளைஞர்கள் போராட்டத்தை கைவிட்டு அங்கிருந்து கலைந்து சென்றுள்ளனர்.