காட்டு யானைகள் சாலையில் உலா வந்ததால் போக்குவரத்து பாதிக்கப்பட்டது.
நீலகிரி மாவட்டத்தில் கோடை வெயிலின் தாக்கத்தினால் பசுந்தீவனம் மற்றும் தண்ணீர் தேடி வனப்பகுதியிலிருந்து வனவிலங்குகள் குடியிருப்பு பகுதிகளுக்குள் வரத் தொடங்கியுள்ளது. இங்குள்ள கோத்தகிரியை சுற்றியுள்ள பகுதிகளில் இருக்கும் பல கிராமங்களில் காட்டு யானைகள் முகாமிட்டுள்ளது.
இந்நிலையில் கோத்தகிரியில் இருந்து மேட்டுப்பாளையம் செல்லும் சாலையில் சில யானைகள் சுற்றிக் கொண்டிருந்தது. இதைப்பார்த்து அதிர்ச்சியடைந்த வாகன ஓட்டிகள் சாலை ஓரமாக வாகனங்களை நிறுத்தி வைத்திருந்தனர். அதன்பிறகு யானைகள் சிறிது நேரம் கழித்து வனப்பகுதிக்குள் சென்றது. இதனையடுத்து வாகன ஓட்டிகள் தங்களுடைய வாகனங்களை ஓட்டிச் சென்றனர். இதனால் அந்த பகுதியில் சிறிது நேரம் போக்குவரத்து பாதிக்கப்பட்டது.