கட்டுப்பாட்டை இழந்த கண்டெய்னர் லாரி சாலையில் கவிழ்ந்த விபத்தில் ஓட்டுநர் அதிர்ஷ்டவசமாக உயிர் தப்பினார்.
திருப்பூர் மாவட்டத்தில் இருந்து பனியன் ஜவுளிகளை ஏற்றிக்கொண்டு கண்டெய்னர் லாரி ஒன்று தூத்துக்குடி நோக்கி சென்று கொண்டிருந்தது. இந்த லாரியை சீதாராமன் என்பவர் ஓட்டிச் சென்றுள்ளார். இந்நிலையில் விருதுநகர் மாவட்டத்திலுள்ள அருப்புக்கோட்டை நகராட்சி மயானம் அருகே சென்று கொண்டிருந்த போது ஓட்டுனரின் கட்டுப்பாட்டை இழந்த லாரி சாலை தடுப்பில் மோதி கவிழ்ந்துவிட்டது.
இந்த விபத்தில் லேசான காயங்களுடன் சீத்தாராமன் அதிர்ஷ்டவசமாக உயிர் தப்பினார். இது குறித்து அறிந்த காவல்துறையினர் சம்பவ இடத்திற்கு விரைந்து சென்று கிரேன் உதவியுடன் விபத்துக்குள்ளான லாரியை அப்புறப்படுத்தினர். இதனால் அப்பகுதியில் சிறிது நேரம் போக்குவரத்து பாதிக்கப்பட்டது.