சாலையில் கவிழ்ந்த லாரி…. தப்பி ஓடிய ஓட்டுனர்…. விசாரணையில் தெரிந்த உண்மை…!!

சட்டவிரோதமாக லாரியில் ரேஷன் அரிசி கடத்தி வந்த ஓட்டுநரை காவல்துறையினர் தீவிரமாக தேடி வருகின்றனர்

சிவகங்கை மாவட்டத்தில் உள்ள கோவிலூர் சாலையில் நேற்று 60 மூட்டை ரேஷன் அரிசியை ஏற்றி கொண்டு  லாரி ஒன்று  வந்துள்ளது. அப்போது லாரியின் டயர் திடீரென வெடித்தது . இதனால் ஓட்டுநரின் கட்டுப்பாட்டை இழந்த லாரி  சாலையில்  கவிழ்ந்து விட்டது. இந்த விபத்தில் உயிர் தப்பிய ஓட்டுனர் அங்கிருந்து தப்பித்து ஓடிவிட்டார். இதுகுறித்து தகவலறிந்து சம்பவ இடத்திற்கு விரைந்து சென்ற காவல்துறையினர் நடத்திய   விசாரணையில்  லாரி ஓட்டுனர் தப்பித்து சென்றது தெரியவந்துள்ளது.

மேலும் இந்த ரேஷன் அரிசியை  ராமநாதபுரத்தில் இருந்து சட்டவிரோதமாக கடத்தி வந்தது தெரியவந்துள்ளது. இதனையடுத்து காவல்துறையினர் 60   முட்டை அரிசியை  கைப்பற்றி அரசு வாணிப கிடங்கிற்கு அனுப்பி வைத்துள்ளனர். மேலும் இதுகுறித்து வழக்குப்பதிவு செய்த காவல்துறையினர் தப்பி ஓடிய லாரி ஓட்டுனரை தீவிரமாக தேடி வருகின்றனர்.