கட்டுப்பாட்டை இழந்த வேன் சாலையில் கவிழ்ந்த விபத்தில் 7 பேர் படுகாயமடைந்த சம்பவம் பரபரப்பை ஏற்படுத்தியுள்ளது.
சேலம் மாவட்டத்திலுள்ள வலசையூர் பகுதியில் வசிக்கும் உறவினர்கள் 18 பேர் மேல்மலையனூர் கிராமத்திற்கு வேனில் புறப்பட்டு சென்றுள்ளனர். இந்நிலையில் பள்ளத்தாதனூர் பகுதியில் வேன் சென்றுகொண்டிருந்தபோது ஒரு ஆடு சாலையைக் கடக்க முயன்றது. அப்போது வேன் ஓட்டுனர் ஆட்டின் மீது மோதாமல் இருப்பதற்காக பிரேக் பிடித்துள்ளார். இதனால் கட்டுப்பாட்டை இழந்த வேன் சாலையில் கவிழ்ந்துவிட்டது. இந்த விபத்தில் தங்கராஜ், சித்ரா, சுருதி உள்பட 7 பேர் படுகாயம் அடைந்தனர்.
இதுகுறித்து தகவலறிந்த காவல்துறையினர் சம்பவ இடத்திற்கு விரைந்து சென்று படுகாயமடைந்த 7 பேரையும் மீட்டு மருத்துவமனையில் சிகிச்சைக்காக அனுமதித்தனர். இதனை அடுத்து காவல்துறையினர் விபத்துக்குள்ளான வேனை அப்புறப்படுத்தி போக்குவரத்தை சரி செய்தனர். இது குறித்து வழக்குப்பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.