சாலையில் நடந்து சென்ற தந்தை-மகள்… திடீரென நடந்த கொடூரம்… இறுதியில் நடந்த சோகம்…!!!

கவுந்தப்பாடி அருகே சாலையில் நடந்து சென்று கொண்டிருந்த தந்தை மற்றும் மகள் மீது டேங்கர் லாரி மோதியதால் இருவரும் சம்பவ இடத்திலேயே பரிதாபமாக உயிரிழந்தனர்.

கவுந்தப்பாடி அருகே உள்ள கண்ணாடி புதூர் என்ற பகுதியில் குமாரசாமி என்பவர் வசித்துவருகிறார். கூலித் தொழிலாளியான அவருக்கு 24 வயதில் பிரியா என்ற மகள் இருக்கிறார். அவர்கள் 2 பேரும் நேற்று கவுந்தபாடி கடை வீதியில் நடந்து சென்றுள்ளனர். அப்போது அவர்களின் பின்னால் வந்து கொண்டிருந்த டேங்கர் லாரி ஒன்று திடீரென அவர்கள் மீது மோதியது. அதில் இரண்டு பேரும் படுகாயம் அடைந்து கீழே விழுந்தனர். அதில் பிரியா சம்பவ இடத்திலேயே பரிதாபமாக உயிரிழந்தார்.

உயிருக்கு போராடிக்கொண்டிருந்த குமாரசாமி மருத்துவமனைக்கு அழைத்துச் செல்லும் போது பாதி வழியில் உயிரிழந்தார். இதுபற்றி தகவல் அறிந்து சம்பவ இடத்திற்கு விரைந்த போலீஸார், பிரியா உடலை மீட்டு உடற்கூறு ஆய்வுக்காக அரசு மருத்துவமனைக்கு அனுப்பி வைத்தனர். இந்த சம்பவம் பற்றி போலீசார் வழக்குப்பதிவு செய்து, விபத்தை ஏற்படுத்தி தப்பிச் சென்ற லாரி ஓட்டுநரை வலைவீசி தேடிக் கொண்டிருக்கிறார்கள்.