2 லாரிகள் மோதிக்கொண்ட விபத்தில் வாலிபர் உயிரிழந்த சம்பவம் சோகத்தை ஏற்படுத்தியுள்ளது.
சென்னை மாவட்டத்தில் உள்ள வண்டலூர்- மிஞ்சூர் சாலையில் டிம்பர் லாரி ஒன்று வந்து கொண்டிருந்தது. இந்நிலையில் டிம்பர் லாரி டயர் வெடித்து ஓட்டுநரின் கட்டுப்பாட்டை இழந்து அவ்வழியாக வந்த கண்டெய்னர் லாரியின் மீது பலமாக மோதியது. இந்த விபத்தில் படுகாயமடைந்த டிம்பர் லாரி ஓட்டுநரான வெங்கடேஸ்வரலு என்பவர் உடல் நசுங்கி சம்பவ இடத்திலேயே பரிதாபமாக உயிரிழந்து விட்டார்.
இதனை பார்த்து அதிர்ச்சி அடைந்த பொதுமக்கள் உடனடியாக தீயணைப்பு துறையினருக்கு தகவல் தெரிவித்துள்ளனர். அந்த தகவலின்படி சம்பவ இடத்திற்கு விரைந்து சென்ற தீயணைப்பு துறையினர் அவரின் சடலத்தை கைப்பற்றி பிரேத பரிசோதனைக்காக அரசு மருத்துவமனைக்கு அனுப்பி வைத்தனர். மேலும் இது குறித்து வழக்கு பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.