வத்தலகுண்டு-கொடைக்கானல் மலைப்பாதையில் விழுந்த ராட்சத மரத்தை 2 நாளாக போராடி சாலையில் இருந்து அகற்றியுள்ளனர்.
தேனி மாவட்டம் தேவதானப்பட்டி அருகே உள்ள வத்தலகுண்டு-கொடைக்கானல் மலைப்பாதையில் இருந்து வந்த ராட்சத மரம் நேற்று முன்தினம் எதிர்பாரதவிதமாக வேரோடு முறிந்து சாலையில் விழுந்துள்ளது. இதுகுறித்து தகவலறிந்து சென்ற வனத்துறையினர் மற்றும் தீயணைப்பு துறையினர் மரத்தை அகற்றும் பணியில் ஈடுபட்டு வருகின்றனர்.
இந்நிலையில் தொடர்ந்து 2-வது நாளாக போராடி பொக்லைன் இயந்திரம் மூலம் முழுவதுமாக சாலையில் இருந்த மரத்த அகற்றி, மலையில் இருந்து சரிந்து விழுந்த பாறைகளையும் அகற்றியுள்ளனர். இதனால் கடந்த 2 நாட்களாக மலைப்பாதையில் போக்குவரத்து நெரிசல் ஏற்பட்ட நிலையில் நேற்று அப்பகுதியில் போக்குவரத்து சீரமைக்கப்பட்டுள்ளது.