சுற்றுலாவிற்கு கணவருடன் வந்த பெண் வேன் மோதி உயிரிழந்த சம்பவம் அவரது குடும்பத்தினரிடையே சோகத்தை ஏற்படுத்தியுள்ளது.
சண்டிகர் மாநிலத்தை சேர்ந்த சந்தீப் தனது மனைவி சீமாவுடன் ராமநாதபுரம் மாவட்டம் ராமேஸ்வரம் கோவிலுக்கு சுற்றுலா வந்துள்ளார். இந்நிலையில் கோவிலில் தரிசனம் செய்த கணவன்-மனைவி இருவரும் பேருந்து மூலம் தனுஷ்கோடி கடற்கரைக்கு சென்றுள்ளனர். இதனையடுத்து அங்குள்ள அரிச்சல்முனை கடற்கரை பகுதியை பார்த்துவிட்டு மீண்டும் ராமேஸ்வரம் செல்வதற்காக கம்பிபாடு சாலையில் நின்று கொண்டு இருந்துள்ளனர்.
அப்போது அரிச்சல் முனையில் இருந்து ராமேஸ்வரம் நோக்கி வந்த சுற்றுலா வேன் ஒன்று திடீரென கட்டுப்பாட்டை இழந்து சாலையில் நின்று கொண்டிருந்த சீமா மீது மோதியுள்ளது. இந்த கோர விபத்தில் சீமா சம்பவ இடத்திலேயே பரிதாபமாக உயிரிழந்துள்ளார். இதனை அறிந்த தனுஷ்கோடி காவல்துறையினர் சம்பவ இடத்திற்கு விரைந்து சென்று சீமாவின் உடலை மீட்டு அரசு மருத்துவமனைக்கு அனுப்பி வைத்துள்ளனர். மேலும் இது குறித்து வழக்கு பதிவு செய்து தப்பி ஓடிய சுற்றுலா வேன் டிரைவரை வலைவீசி தேடி வருகின்றனர்.