புதுக்கோட்டை மாவட்டத்தில் நாம் தமிழர் கட்சியின் ஒன்றிய செயலாளரை தாக்கியதால் அப்பகுதியில் பெரும் பரபரப்பு ஏற்பட்டுள்ளது.
புதுக்கோட்டை மாவட்டத்திலுள்ள பெருங்காடு பகுதியில் பரத் என்பவர் வசித்து வருகிறார். இவர் நாம் தமிழர் கட்சியின் ஒன்றிய செயலாளராக பணிபுரிந்து வருகிறார். இந்நிலையில் அப்பகுதியை சேர்ந்த சிலர் ஒன்று சேர்ந்து பரத்தை தாக்கியுள்ளனர். இதில் காயமடைந்த பரத் அரசு மருத்துவமனையில் சிகிச்சைக்காக அனுமதிக்கப்பட்டுள்ளார். இதனால் ஆத்திரமடைந்த நாம் தமிழர் கட்சியினர் மருத்துவமனை முன்பு போராட்டத்தில் ஈடுபட்டுள்ளனர்.
இதுக்குறித்து தகவலறிந்த காவல் துறையினர் சம்பவ இடத்திற்கு விரைந்து சென்று சாலை மறியலில் ஈடுபட்டவர்களிடம் பேச்சு வார்த்தை நடத்தி உரிய நடவடிக்கை எடுக்கப்படும் என்று கூறிய பின்பு சாலை மறியலை கைவிட்டு அங்கிருந்து சென்றுள்ளனர். இந்த சம்பவம் அப்பகுதியில் பெரும் பரபரப்பை ஏற்படுத்தியுள்ளது.