உடல்நலக்குறைவால் மருத்துவமனையில் அனுமதிக்கப்பட்ட சவுதி அரேபிய மன்னர் சல்மான் அறுவை சிகிச்சைக்கு பின் நலமாகி நேற்று வீடு திரும்பியுள்ளார்.
சவுதி அரேபியாவில் 2015ம் ஆண்டு முதல் மன்னராக இருந்து வருபவர் சல்மான் பின் அப்துல் அஜீஸ். இவருக்கு வயது 84. உடல் நலக்குறைவு காரணமாக சென்ற மாதம் 20ந் தேதி மருத்துவமனையில் அனுமதிக்கப்பட்டார். அங்கு மன்னர் சல்மானுக்கு பித்தப்பை அழற்சி ஏற்பட்டிருப்பதாகவும் தலைநகர் ரியாத்தில் உள்ள கிங் பைசல் சிறப்பு மருத்துவமனையில் சிகிச்சை அளிக்கப்பட்டு வருவதாகவும் ராயல் கோர்ட்டு தெரிவித்திருந்தது.
இந்த நிலையில் மன்னர் சல்மானுக்கு சில தினங்களுக்கு முன்பு அறுவை சிகிச்சை மூலம் அவரது பித்தப்பை அகற்ற,லேபராஸ்கோபிக் எனப்படும் குறைந்த ஆபத்துடைய செயல் முறையில் அறுவை சிகிச்சை மேற்கொள்ளப்பட்டதாக ஆஸ்பத்திரி நிர்வாகம் தெரிவித்தது. அறுவை சிகிச்சைக்குப் பின் மன்னர் சல்மானின் உடல்நிலை நல்ல முறையில் தேறி வந்த நிலையில் நேற்று முன்தினம் அவர் மருத்துவமனையில் இருந்து வீடு திரும்பியுள்ளாார். சவுதி அரேபியா மக்கள் நேற்று பக்ரீத் பண்டிகையை கொண்டாடிய நிலையில் மன்னர் சல்மான் சிகிச்சை முடிந்து வீடு திரும்பியுள்ள நல்ல செய்தி கிடைத்துள்ளதாக ராயல் கோர்ட்டு தெரிவித்திருக்கிறது.