சிவகங்கை சிங்கம்புணரியில் உள்ள முத்துவடுகநாதர் சித்தர் கோவிலுக்கு மகாசிவராத்திரியை முன்னிட்டு சிவன் அலங்காரம் செய்யப்பட்டது.
சிவகங்கை மாவட்டத்தில் மகாசிவராத்திரியை முன்னிட்டு அனைத்து சிவாலயங்களிலும் சிறப்பு வழிபாடு நடைபெற்றது. விடிய விடிய கண்விழித்து பக்தர்களே சிவலிங்கத்திற்கு அபிஷேகம் செய்து சாமி தரிசனம் பெற்றனர். அதேபோல் சிவகங்கை மாவட்டத்தில் உள்ள சிங்கம்புணரியில் சிறப்பு வாய்ந்த சித்தர் முத்துவடுகநாதர் கோவில் இருக்கிறது.
இந்த கோவிலுக்கு சிவராத்திரியை முன்னிட்டு முத்துவடுகநாதர் சித்தருக்கு சிறப்பு பூஜை செய்யப்பட்டது. மேலும் சித்தர் முத்துவடுகநாதருக்கு சிவன் போன்ற அலங்காரமும் செய்யப்பட்டது. இந்த விழாவிற்கு ஏராளமான பக்தர்கள் கலந்து கொண்டு சித்தரை வழிபாடு செய்துள்ளனர். இறுதியில் பக்தர்களுக்கு பிரசாதமும் அளிக்கப்பட்டது.