புதுக்கோட்டை மாவட்டத்தில் உள்ள ஊனையூர் பகுதியில் வசிக்கும் 16 வயது சிறுவன் சித்தன்னவாசல் பூங்காவை சுற்றிப் பார்ப்பதற்காக சென்றுள்ளான் அப்போது 5 பேர் கொண்ட கும்பல் சிறுவனை சுற்றி வளைத்து செல்போனை பறித்ததாக தெரிகிறது. இதுகுறித்து சிறுவன் அன்னவாசல் காவல் நிலையத்தில் புகார் அளித்துள்ளார்.
அந்த புகாரின் பேரில் வழக்குபதிவு செய்த போலீசார் நடத்திய விசாரணையில், கல்லூரி மாணவர்களான அஜய், அதிபதி, மாரிமுத்து, காந்தி மற்றும் 16 வயது சிறுவன் ஆகியோர் செல்போனை பறித்தது தெரியவந்தது. இதனையடுத்து அஜய், அதிபதி, மாரிமுத்து ஆகிய 3 பேரையும் போலீசார் கைது செய்தனர். மற்ற இரண்டு பேரை தீவிரமாக தேடி வருகின்றனர்.