இந்திய மருத்துவம் மற்றும் ஹோமியோபதி துறையின் கீழ் அரும்பாக்கம் அறிஞர் அண்ணா அரசு இந்திய மருத்துவமனை வளாகத்தில் சித்த மருத்துவக் கல்லூரி, யுனானி மருத்துவக் கல்லூரி, நெல்லை மாவட்டம் பாளையங்கோட்டையில் சித்த மருத்துவக் கல்லூரி, மதுரை மாவட்டம் திருமங்கலத்தில் ஹோமியோபதி மருத்துவக் கல்லூரி மற்றும் கன்னியாகுமரி மாவட்டம் நாகர்கோவில் அருகே கோட்டாரில் ஆயுர்வேத மருத்துவ கல்லூரிகள் உள்ளன. இந்த ஐந்து அரசு கல்லூரிகளிலும் உள்ள 330 இடங்களில் அகில இந்திய ஒதுக்கீட்டுக்கு 50 இடங்கள் ஒதுக்க ப்படுகிறது.
மீதமுள்ள 250 இடங்கள் மாநில அரசுக்கு உள்ளது. இந்த நிலையில் சித்தா, ஆயுர்வேத, யுனானி, ஓமியோபதி படிப்புகளுக்கான கலந்தாய்வு டிச.27ம் தேதி தொடங்கி ஜன.4ம் தேதி வரை நடைபெறுகிறது. சென்னையில் உள்ள அண்ணா அரசினர் இந்திய மருத்துவமனை வளாகத்தில் நடைபெறும். (டிச. 31, ஜன.1, 2-ம் தேதிகளில் கலந்தாய்வு இல்லை) காலை 7 மணி முதல் 10 மணி வரையும், அரசுப் பள்ளி மாணவர்களுக்கான 7.5 சதவீத உள் இடஒதுக்கீடு கலந்தாய்வு காலை 10 மணி முதல் பகல் 1.30 மணி வரையும் நடைபெறுகிறது.