பெண்ணை அடித்து துன்புறுத்திய கணவர் உள்பட 3 பேர் மீது போலீசார் வழக்கு பதிவு செய்தனர்.
விருதுநகர் மாவட்டத்திலுள்ள காரியாபட்டி பகுதியில் ஜெயபாலன் என்பவர் வசித்து வருகிறார். இவருக்கு பாலாமணி(29) என்ற மகள் உள்ளார். கடந்த 9 ஆண்டுகளுக்கு முன்பு பாலமணிக்கு பிரபு என்பவருடன் திருமணம் நடைபெற்றது. இந்த தம்பதியினருக்கு குழந்தை இல்லை. இந்நிலையில் வரதட்சணை கேட்டு பிரபுவின் குடும்பத்தினர் பாலமணியை அடித்து துன்புறுத்தியுள்ளனர்.
இதுகுறித்து பாலமணி அருப்புக்கோட்டை அனைத்து மகளிர் காவல் நிலையத்தில் புகார் அளித்தார். அந்த புகாரின் பேரில் பிரபு, அவரது தந்தை வெள்ளைச்சாமி, தாய் குருவம்மாள் உள்ளிட்ட 3 பேர் மீது போலீசார் வழக்கு பதிந்து விசாரணை மேற்கொண்டு வருகின்றனர்.