நடிகர் நாசர் சினிமாவில் இருந்து விலகுவதாக செய்தி பரவி வருகின்றது.
தமிழ், தெலுங்கு, மலையாளம், கன்னடம், இந்தி என பல்வேறு மொழிகளில் நடித்து வரும் நாசர் பாலச்சந்தர் இயக்கத்தில் வெளியான கல்யாண அகதிகள் திரைப்படத்தின் மூலம் சினிமா உலகிற்கு அறிமுகமானார். இவர் இயக்குனர், தயாரிப்பாளர், பாடகர், டப்பிங் ஆர்டிஸ்ட், நடிகர் என தனக்குள் பன்முக தன்மைகளை கொண்டுள்ளார்.
இந்த நிலையில் நாசர் சினிமாவில் இருந்து விலக இருப்பதாக செய்தி வெளியாகியிருக்கின்றது. இவர் உடல் நிலையை கருத்தில் கொண்டு சினிமாவில் இருந்து விலக முடிவு செய்திருப்பதாக சொல்லப்படுகின்றது. கொரோனா தொற்றால் பாதிக்கப்பட்ட சமயத்தில் இதய பிரச்சனையால் பாதிக்கபட்டதையடுத்து சினிமாவில் இருந்து விலகும் முடிவை எடுத்து இருப்பதாக ஊடகம் ஒன்றுக்கு பேட்டி அளித்த பொழுது நாசரே தெரிவித்ததாக செய்தி பரவி வருகின்றது.