தமிழகத்தைப் பற்றி கமலுக்கு என்ன தெரியும், அவர் அரசியலில் ஜீரோ தான் என்று முதல்வர் எடப்பாடி பழனிசாமி கடுமையாக விமர்சித்துள்ளார்.
தமிழகத்தில் இன்னும் சில மாதங்களில் சட்டமன்ற தேர்தல் நடைபெற உள்ளது. அதனால் அனைத்து கட்சிகளும் தீவிர தேர்தல் பிரசாரத்தில் ஈடுபட்டு வருவதால், தேர்தல் களம் சூடு பிடிக்க தொடங்கியுள்ளது. இதனையடுத்து அனைத்து கட்சிகளும் ஒருவரை ஒருவர் விமர்சித்து தீவிர பிரசாரத்தில் களமிறங்கியுள்ளனர். அதிலும் குறிப்பாக அதிமுக மற்றும் திமுக இடையே பெரும் மோதல் போக்கு நிலவிக் கொண்டிருக்கிறது. இந்த இரண்டு கட்சிகளையும் கடுமையாக விமர்சிக்கும் வகையில் மக்கள் நீதி மைய கட்சியின் தலைவர் கமல்ஹாசன் தேர்தல் களத்தில் இறங்கியுள்ளார்.
இந்நிலையில் கமலுக்கு பதிலடி கொடுக்கும் வகையில் முதல்வர் எடப்பாடி பழனிசாமி கருத்து தெரிவித்துள்ளார். இதுபற்றி அவர் கூறுகையில், நடிப்பில் வேண்டுமானால் கமல் பெரும் சாதனை படைத்தவராக இருக்கலாம். ஆனால் அரசியலில் அவர் ஜீரோ தான். தமிழகத்தைப் பற்றி கமலுக்கு என்ன தெரியும். அவர் சினிமாவில் ஹீரோ. ஆனால் அரசியலில் ஜீரோ தான். மேலும் தமிழகத்தில் கூட்டணி ஆட்சியை மக்கள் ஏற்றுக்கொள்ள மாட்டார்கள்” என்று முதல்வர் அதிரடியாக தெரிவித்துள்ளார்.