சினிமா துறையில் தனக்கு யாரும் இல்லை எனவும் தான் ஒரு அனாதை எனவும் நடிகர் பார்த்திபன் உருக்கமாக பேசியுள்ளார்.
தமிழ் சினிமா உலகின் பிரபல நட்சத்திரமான பார்த்திபன் அவரே இயக்கி நடித்து வருகின்ற திரைப்படம் இரவின் நிழல். இத்திரைப்படம் புதிய சாதனை படைத்திருக்கின்றது. தமிழ் சினிமா உலகில் பார்த்திபன் பல சோதனை படங்களை எடுத்து சாதனை படங்களாக்கி வருகின்றார். இவர் ஒத்த செருப்பு திரைப்படத்தை கையிலெடுத்து உலகையே திரும்பிப் பார்க்க வைத்துள்ளார். இவர் தற்போது இரவின் நிழல் படத்தில் புதிய முயற்சியை கையில் எடுத்து இருக்கின்றார்.
உலகிலேயே ஒரே ஷாட்டில் எடுக்கப்பட்ட முதல் நான்-லீனியர் படம் இரவின் நிழல்தான். இதனால் இத்திரைப்படம் ஆசியா புக் ஆப் ரெக்கார்ட்ஸ் மற்றும் இந்தியா புக் ஆப் ரெக்கார்ட்ஸில் இடம் பெற்று சாதனை படைத்திருக்கின்றது. இந்த நிலையில் நேற்று முன்தினம் இத்திரைப்படம் வெளியாகி ரசிகர்களிடையே நல்ல வரவேற்பை பெற்றுள்ளது.
இந்த நிலையில் ரசிகர்கள் மத்தியில் பேசிய பார்த்திபன் சினிமா துறையில் தான் ஒரு அனாதை எனக் கூறி கலங்க வைத்துள்ளார். இரவின் நிழலை படமாக எடுத்த பொழுது தான் செத்து பிழைத்ததாக கூறி படத்திற்கு கிடைத்த வரவேற்பை பார்த்து புதிதாக பிறந்துள்ளதாக தெரிவித்திருக்கிறார. ரசிகர்கள் ஒவ்வொருவரின் கைத்தட்டலுக்கும் தான் அடிமை என்றும் ஆஸ்கர் கிடைக்கும் என எதிர்பார்ப்பதாக கூறியுள்ளார். மேலும் சினிமாவில் தான் ஒரு அனாதை தனக்கு யாரும் இல்லை என்றும் ரசிகர்களை தவிர யாரையும் நான் நம்புவதில்லை என கூறியுள்ளார். மேலும் தயாரிப்பாளர்களை திருப்திப்படுத்த தான் படம் எடுக்கவில்லை எனவும் உருக்கமாக கூறியுள்ளார்.