நடிகர் சிம்புவின் மாநாடு படத்தில் மேலும் சில குக் வித் கோமாளி பிரபலங்கள் இணைந்துள்ளனர்.
தமிழ் திரையுலகில் நட்சத்திர நாயகனாக வலம் வரும் சிம்பு நடிப்பில் வெளியான ஈஸ்வரன் திரைப்படம் ரசிகர்களிடையே நல்ல வரவேற்பை பெற்றது. இதைத் தொடர்ந்து இவர் மாநாடு, பத்து தல, நதிகளிலே நீராடும் சூரியன் ஆகிய அடுத்தடுத்த படங்களில் பிஸியாக நடித்து வருகிறார். இதில் இயக்குனர் வெங்கட்பிரபு இயக்கத்தில் சிம்பு நடிக்கும் மாநாடு படத்தின் படப்பிடிப்பு இறுதிகட்டத்தை எட்டியுள்ளது. இந்த படத்தின் படப்பிடிப்பு தளத்தில் எடுக்கப்பட்ட புகைப்படங்கள் அவ்வப்போது வெளியாகி சமூக வலைதளங்களில் வைரலாகி வருகிறது .
சமீபத்தில் சிம்புவுடன் குக் வித் கோமாளி பிரபலம் புகழ் மாநாடு படப்பிடிப்பில் இருக்கும் புகைப்படம் வெளியாகியிருந்தது. இந்நிலையில் குக் வித் கோமாளி பிரபலங்கள் சரத் மற்றும் பாலா இருவரும் மாநாடு படத்தில் இணைந்துள்ளனர் . நடிகர் சிம்புவுடன் பாலா, சரத் இருவரும் படப்பிடிப்பு தளத்தில் இருக்கும் புகைப்படம் வெளியாகி இணையத்தில் வைரலாகி வருகிறது.