நடிகர் சிம்பு நடிப்பில் உருவாகியுள்ள மாநாடு படத்தின் முதல் பாடல் ரிலீஸ் தேதி நாளை அறிவிக்கப்படவுள்ளது.
தமிழ் திரையுலகில் நட்சத்திர நாயகனாக வலம் வரும் சிம்பு நடிப்பில் உருவாகியுள்ள திரைப்படம் மாநாடு. இயக்குனர் வெங்கட்பிரபு இயக்கியுள்ள இந்த படத்தில் கல்யாணி பிரியதர்ஷன் கதாநாயகியாக நடித்துள்ளார் . மேலும் எஸ்.ஜே. சூர்யா, பிரேம்ஜி, ஒய்.ஜி.மகேந்திரன், எஸ்.ஏ.சந்திரசேகர் உள்ளிட்ட பலர் முக்கிய கதாபாத்திரத்தில் நடித்துள்ளனர் . சுரேஷ் காமாட்சி தயாரித்துள்ள இந்த படத்திற்கு யுவன் சங்கர் ராஜா இசையமைத்துள்ளார். இந்த படத்தின் டீஸர் வெளியாகி ரசிகர்களிடையே நல்ல வரவேற்பை பெற்றது. மேலும் மாநாடு படத்தின் முதல் பாடல் ரம்ஜான் பண்டிகையன்று வெளியாகும் என படக்குழு அறிவித்திருந்தது.
#Maanaau Audio rights bagged by @thisisysr ' s @U1Records . First sigle Release date and time wl b announced by our little Maestro on wednesday.
Stay tuned ❤@SilambarasanTR_@vp_offl@kalyanipriyan @iam_SJSuryah @Richardmnathan @Anjenakirti @UmeshJKumar @silvastunt 1/2— sureshkamatchi (@sureshkamatchi) June 7, 2021
ஆனால் அந்த சமயத்தில் வெங்கட் பிரபுவின் தாயார் மரணமடைந்ததால் பாடல் ரிலீசை படக்குழு தள்ளிவைத்தது. இந்நிலையில் மாநாடு படத்தின் பாடல் உரிமைகளை இசையமைப்பாளர் யுவன்சங்கர் ராஜாவின் U1 நிறுவனம் பெற்றுள்ளதாக படக்குழு அறிவித்துள்ளது . மேலும் மாநாடு படத்தின் முதல் பாடல் ரிலீஸ் தேதி மற்றும் நேரம் பற்றிய அறிவிப்புகள் நாளை வெளியாகும் என அதில் குறிப்பிடப்பட்டுள்ளது. இதனால் சிம்பு ரசிகர்கள் மிகுந்த உற்சாகத்தில் உள்ளனர்.