வெந்து தணிந்தது காடு படத்தின் வசூல் கணிப்பு குறித்து தகவல் வெளியாகியுள்ளது.
குழந்தை நட்சத்திரமாக அறிமுகமாகி முன்னணி நடிகராக வலம் வருபவர் சிம்பு. இடையில் படவாய்ப்புகள் இல்லாமல் பல சறுக்கல்களை சந்தித்த இவர் மாநாடு திரைப்படத்தின் மூலம் ரீ-என்ட்ரி கொடுத்தார். அதன் பின் இவருக்கு டாக்டர் பட்டம், பல பட வாய்ப்புகள், விளம்பரங்கள், பிக்பாஸ் நிகழ்ச்சி என அடுத்தடுத்து அசத்தி பிஸியாக இருக்கின்றார் சிம்பு.
இவர் தற்போது கௌதம் மேனன் இயக்கத்தில் வெந்து தணிந்தது காடு திரைப்படத்தில் நடித்து முடித்திருக்கிறார். ஏ.ஆர்.ரகுமான் இத்திரைப்படத்திற்கு இசையமைக்கின்றார். அண்மையில் இப்படத்தின் டீசர் வெளியாகி மக்களிடையே நல்ல வரவேற்பை பெற்றது.
படத்தில் கிராமத்து இளைஞனான சிம்பு ஊர்களில் கூலி வேலை செய்து வருகிறார். இத்திரைப்படம் வருகின்ற செப்டம்பர் மாதம் 15 ஆம் தேதி வெளியாக உள்ளது. இப்படம் அடுத்த மாதம் வெளியாக உள்ள நிலையில் இசை வெளியீட்டு விழா மற்றும் ட்ரைலர் வெளியீட்டு விழா சென்ற செப்டம்பர் 2-ம் தேதி நடைபெற்றது.
இந்த நிலையில் இத்திரைப்படத்தின் வசூல் எப்படி இருக்கும் என தற்போது பேசப்பட்டு வருகின்றது. இத்திரைப்படத்திலிருந்து வெளியான பாடல்கள், ட்ரெய்லர் ரசிகர்கள் மத்தியில் எதிர்பார்ப்பை ஏற்படுத்திய நிலையில் இத்திரைப்படம் உலக அளவில் முதல் நாளில் மட்டும் 15 கோடி வரை வசூலிக்கும் என எதிர்பார்க்கப்படுகின்றது. மேலும் இத்திரைப்படம் நன்றாக இருக்கும் பட்சத்தில் 100 கோடி வசூலிக்கும் என கணிக்கப்பட்டிருக்கிறது. எது எப்படி இருந்தாலும் படம் வசூல் ரீதியாக கண்டிப்பாக வெற்றி பெறும் என எதிர்பார்க்கப்படுவது குறிப்பிடத்தக்கது.