சிரியாவில் 2 ராக்கெட் தாக்குதல்களில் 3 அமெரிக்க துருப்புக்கள் காயம் அடைந்தனர். இதையடுத்து அமெரிக்கா ஹெலிகாப்டர்களின் வாயிலாக பதிலடி கொடுத்ததாக அமெரிக்க மத்திய கமாண்ட்(சென்ட்காம்) ஒரு அறிக்கையில் தெரிவித்து இருக்கிறது.
வட கிழக்கு சிரியாவிலுள்ள கொனோகோ மற்றும் கிரீன் வில்லேஜ் ஆகிய 2 பகுதிகளிலும் தங்கி இருக்கும் அமெரிக்க வீரர்கள் மீது ஈரான் ஆதரவு போராளிகள் சந்தேகத்திற்குரிய பல்வேறு ராக்கெட்டுகளை ஏவியதாக சென்ட்காம் தெரிவித்து உள்ளது. இதற்கிடையில் தாக்குதல் நடத்தியதாக சந்தேகிக்கப்படும் 3 பயங்கரவாதிகளை அமெரிக்கப் படைகள் கொன்றதாக தகவல் வெளியாகி இருக்கிறது.