சிறந்த கல்வி நிறுவனம்… சென்னை ஐஐடி.க்கு முதலிடம்

மத்திய கல்வி அமைச்சகம் வெளியிட்ட கல்வி நிறுவனங்களுக்கான ஆண்டு தரவரிசையில் சென்னை ஐஐடி.க்கு முதலிடம் கிடைத்துள்ளது..

மத்திய கல்வி அமைச்சகம் வெளியிட்ட கல்வி நிறுவனங்களுக்கான ஆண்டு தரவரிசையில் சென்னை ஐஐடி.க்கு முதலிடம் கிடைத்துள்ளது..பெங்களூரு இந்திய அறிவியல் நிறுவனம் மற்றும் மும்பை ஐஐடி ஆகியவை முறையே 2ம் மற்றும் 3ம் இடத்தை பிடித்துள்ளன..

தேசிய கல்வி நிறுவன தரவரிசை கட்டமைப்பை மத்திய கல்வி அமைச்சர் தர்மேந்திர பிரதான் வெளியிட்டார்.. அதில், நாட்டின் சிறந்த கல்வி நிறுவனங்களின் பட்டியலில் சென்னை ஐஐடி முதலிடமும், நாட்டின் சிறந்த பொறியியல் கல்லூரிகள் பட்டியலிலும் சென்னை ஐஐடி முதலிடம் பிடித்துள்ளது.. நாட்டின் சிறந்த ஆராய்ச்சி நிறுவனங்களுக்கான பட்டியலில் சென்னை ஐஐடி 2ஆவது இடம் பிடித்துள்ளது.

சிறந்த மருத்துவ கல்லூரிகள் பட்டியலில் டெல்லி எய்ம்ஸ் முதலிடம் பிடித்துள்ளது.. வேலூர் கிறிஸ்தவ கல்லூரி 3ஆவது இடம் பிடித்துள்ளது. நாட்டின் சிறந்த பல்கலை தரவரிசையில் பெங்களூருவின் IISC முதலிடமும், கோவை அமிர்தா விஸ்வ வித்யாபீடம் பல்கலை 4ஆவது இடமும் பிடித்துள்ளது.. சிறந்த கல்லூரிகளுக்கான தரவரிசையில் சென்னை லயோலா கல்லூரி 3ஆவது இடத்திலும் உள்ளது.