சிறுத்தை சிவா இயக்கத்தில் சூர்யா நடிக்கும் 42வது திரைப்படத்தின் படப்பிடிப்பானது இன்று பூஜையுடன் தொடங்கியுள்ளது.
தமிழ் சினிமாவில் முன்னணி நடிகராக வலம் வருபவர் சூர்யா. இவர் தனக்கென்று தனி ரசிகர் பட்டாளத்தையை உருவாக்கியுள்ளார். இவரின் 42 வது படத்தில் இயக்குனர் சிறுத்தை சிவாவுடன் நடிக்க இருப்பதாக ஏற்கனவே பேசப்பட்டு வந்தது. அதன்படி சூர்யா 42 படத்தை இயக்குனர் சிவா இயக்குகிறார். இப்படத்திற்கு இசையமைப்பாளராக தேவி ஸ்ரீ பிரசாத் இசையமைக்க உள்ளார்.
அதுமட்டுமில்லாமல் இந்த படத்தை ஞானவேல் ராஜா தயாரிக்கிறார். அதனைத் தொடர்ந்து இயக்குனர் சிறுத்தை சிவா மற்றும் இசையமைப்பாளர் தேவி ஸ்ரீ பிரசாத் இணைந்து நிற்கும் புகைப்படத்தை ரசிகர்கள் வெளியிட்டு வைரலானது. இந்த படத்திற்கு சூர்யாவுக்கு ஜோடியாக பிரபல பாலிவுட் நடிகை திஷா பதானி நடிக்கின்றார்.
இந்நிலையில் இத்திரைப்படத்தின் படம் பிடிப்பானது இன்று காலை பூஜையுடன் தொடங்கியுள்ளது. அப்பொழுது சூர்யா, சிவா, மோகன்லால், இயக்குனர் பா.ரஞ்சித் உள்ளிட்டோர் எடுத்துக் கொண்ட புகைப்படங்கள் இணையத்தில் வெளியாகியிருக்கிறது.