லோகேஷ் கனகராஜ் இயக்கத்தில் ஜூன் 3ம் தேதி வெளியாகிய விக்ரம் படம் விமர்சன ரீதியாகவும் வசூல்ரீதியாகவும் சாதனை படைத்தது. இவற்றில் சூர்யாவின் ரோலக்ஸ் கதாபாத்திரம் ரசிகர்கள் மத்தியில் பெரும் வரவேற்பை பெற்றது. அத்துடன் ஜூன் 1ம் தேதி வெளியாகிய மாதவனின் ராக்கெட்ரி: தி நம்பி எஃபெக்ட் படத்திலும் சூர்யா சிறப்பு தோற்றத்தில் நடித்து இருந்தார். இப்போது இயக்குனர் பாலா இயக்கத்தில் சூர்யா நடித்துவரும் திரைப்படம் “வணங்கான்”.
இந்த படத்தில் கிருத்திஷெட்டி கதாநாயகியாக நடிக்க ஜி.வி.பிரகாஷ் இசையமைக்கிறார். இத்திரைப்படத்தின் முதற்கட்ட படப்பிடிப்பு முடிவடைந்த சூழ்நிலையில், 2ஆம் கட்ட படப்பிடிப்பு கோவாவில் துவங்கவுள்ளது. இப்படத்தை அடுத்து வெற்றிமாறன் இயக்கத்தில் வாடிவாசல் படத்தில் சூர்யா நடிக்க இருக்கிறார். இதற்கிடையே சிறுத்தை சிவா இயக்கும் புது படத்தில் சூர்யா நடிக்க இருப்பதாக முன்பே தகவல் வெளியாகியாது.
இந்நிலையில் சிறுத்தைசிவா-சூர்யா கூட்டணி திரைப்படத்தின் அதிகாரப்பூர்வ அறிவிப்பு வெளியாகி இருக்கிறது. அந்த வகையில் ஸ்டுடியோ கிரீன் மற்றும் யுவிகிரியேஷன் தயாரிப்பில் சிறுத்தை சிவா இயக்கத்தில் சூர்யா நடிக்க இருக்கிறார். தேவிஸ்ரீ பிரசாத் இசையமைக்கவுள்ள இந்த படத்தின் படப்பிடிப்பு இன்று முதல் துவங்கியுள்ளது. இதுகுறித்த புகைப்படத்தை தன் சமூகவலைத்தளப் பக்கத்தில் பதிவிட்டு “படப்பிடிப்பு தொடங்கியது. உங்களது ஆசீர்வாதமும் தேவை” என சூர்யா பதிவிட்டுள்ளார்.
Shoot begins..!
Need all your blessings..!!#Suriya42 @directorsiva @ThisIsDSP @StudioGreen2 @UV_Creations pic.twitter.com/6lSqkVt8t1— Suriya Sivakumar (@Suriya_offl) August 24, 2022