சில நிமிடங்களில் எரிந்து கருகிய மின்சார ஸ்கூட்டர்… “பாதுகாப்பு விஷயங்கள் குறித்து ஆய்வு செய்ய அரசு உத்தரவு”…!!!!!

மராட்டிய மாநிலத்தின் கிழக்கு விரார் பகுதியில் வாகனம் நிறுத்தும் இடத்தில் மின்சார ஸ்கூட்டர் ஒன்றை அதன் உரிமையாளர் நிறுத்திவிட்டு சென்றுள்ளார். இந்நிலையில் ஒரு மணி நேரத்திற்கு பின் அந்த மின்சார ஸ்கூட்டர் திடீரென தீப்பிடித்து எரிந்தது. மேலும் ஒரு சில நிமிடங்களில் அது கருகிப்போனது. இந்த சம்பவம் நடைபெற்ற நேரத்தில் யாரும் அருகே இல்லாததால் பாதிப்பு எதுவும் ஏற்படவில்லை. இது குறித்து அறிந்த அந்த பகுதி மக்கள் ஓடிவந்து தீயை அணைக்க முயற்சி செய்துள்ளனர். இருப்பினும் அதற்குள் அந்த மின்சார ஸ்கூட்டர் எரிந்து போனது. இதனால் அந்த வாகனத்தில் உரிமையாளர் அதிர்ச்சி அடைந்துள்ளார். சமீப காலமாக மின்சார ஸ்கூட்டர் விபத்து அதிக அளவு நடைபெறுகிறது. இதனைத் தொடர்ந்து மின்சார ஸ்கூட்டரின் பாதுகாப்பு விஷயங்கள் குறித்து ஆய்வு செய்ய அரசு உத்தரவிட்டுள்ளது.