சிவகார்த்திகேயன் நடிப்பில் உருவாகிவரும் டான் படத்தின் ஷுட்டிங் அப்டேட் வெளியாகியுள்ளது.
தமிழ் திரையுலகில் நட்சத்திர நாயகனாக வலம் வரும் சிவகார்த்திகேயனுக்கு ஏராளமான ரசிகர்கள் உள்ளனர். இவர் நடிப்பில் உருவாகியுள்ள அயலான், டாக்டர் ஆகிய படங்கள் ரிலீசுக்கு தயாராகி வருகிறது. இதை தொடர்ந்து சிவகார்த்திகேயன் இயக்குனர் சிபிசக்கரவர்த்தி இயக்கத்தில் டான் திரைப்படத்தில் நடித்து வருகிறார். இந்த படத்தில் பிரியங்கா மோகன் கதாநாயகியாக நடிக்கிறார். மேலும் எஸ்.ஜே.சூர்யா, சமுத்திரகனி, சிவாங்கி உள்ளிட்ட பலர் முக்கிய கதாபாத்திரங்களில் நடித்து வருகின்றனர்.
லைகா நிறுவனமும், சிவகார்த்திகேயனின் எஸ்.கே புரொடக்சன்ஸ் நிறுவனமும் இணைந்து தயாரிக்கும் இந்த படத்திற்கு அனிருத் இசையமைக்கிறார். கடந்த பிப்ரவரி மாதம் இந்த படத்தின் முதல்கட்ட படப்பிடிப்பு நடைபெற்று முடிந்தது. இந்நிலையில் டான் படத்தின் அடுத்தகட்ட படப்பிடிப்பை வருகிற ஜூலை 15-ஆம் தேதி தொடங்க படக்குழு திட்டமிட்டுள்ளதாக தகவல் வெளியாகியுள்ளது. விரைவில் இந்த படத்தின் அடுத்தடுத்த அப்டேட்டுகள் வெளியாகும் என ரசிகர்கள் ஆவலுடன் எதிர்ப்பார்த்து கொண்டிருக்கின்றனர்.