டான் திரைப்படத்திலிருந்து அண்மையில் வெளியாகிய பாடல் தற்பொழுது விமர்சனத்துக்கு உள்ளாகி வருகின்றது.
தமிழ் சினிமா உலகில் முன்னணி நடிகராக வலம் வருகின்றார் சிவகார்த்திகேயன். இடையில் சில சறுக்கல்களை சந்தித்தாலும் டாக்டர் திரைப்படத்தின் மூலம் மீண்டும் வெற்றியை சந்தித்தார். இதையடுத்து தற்பொழுது சிபி சக்கரவர்த்தி இயக்கத்தில் டான் திரைப்படத்தில் நடித்துள்ளார். இத்திரைப்படமானது விரைவில் ரிலீசாக இருக்கின்றது. இப்படத்திற்கு அனிருத் இசையமைத்துள்ளார். ஹீரோயினாக பிரியங்கா மோகன் நடித்ததிருக்கின்றார். மேலும் சிவாங்கி, மிர்ச்சி விஜய் ஆகிய பலர் படத்தில் நடித்து இருக்கின்றார்கள்.
காமெடி கதை களமாக உருவாகியுள்ள இத்திரைப்படத்தில் இருந்து இரண்டு பாடல்களான ஜலபுலஜக், பே உள்ளிட்ட பாடல்கள் வெளியாகி ரசிகர்களிடையே நல்ல வரவேற்பை பெற்ற நிலையில் அண்மையில் வெளியான பிரைவேட் பார்ட்டி பாடலானது விமர்சனத்துக்குள்ளாகியுள்ளது. பாடல் எதிர்பார்த்த அளவிற்கு இல்லை எனவும் பாடலின் வரிகள் கொஞ்சம் கூட ஈர்க்கவில்லை எனவும் ரசிகர்கள் கருத்து கூறி வருகின்றார்கள். இந்த பாடலை அனிருத் மற்றும் ஜோனிடா இணைந்து பாடியுள்ளார்கள் குறிப்பிடத்தக்கது.