சிவா, யோகி பாபு இணைந்து நடித்துள்ள காசேதான் கடவுளடா படத்தின் பர்ஸ்ட் லுக் போஸ்டர் வெளியாகியுள்ளது.
தமிழ் திரையுலகில் கடந்த 1972-ம் ஆண்டு வெளியாகி சூப்பர் ஹிட் அடித்த நகைச்சுவை திரைப்படம் காசேதான் கடவுளடா. சித்ராலயா கோபு எழுதி இயக்கிய இந்த படத்தில் முத்துராமன், தேங்காய் ஸ்ரீநிவாசன், மனோரமா, லட்சுமி உள்ளிட்ட பலர் நடித்திருந்தனர். தற்போது இந்த படத்தை இயக்குனர் ஆர். கண்ணன் ரீமேக் செய்துள்ளார். காசேதான் கடவுளடா ரீமேக் படத்தில் சிவா, யோகி பாபு இருவரும் முதன்மை கதாபாத்திரங்களில் நடித்துள்ளனர். மேலும் பிரியா ஆனந்த், கருணாகரன், மனோபாலா, ஊர்வசி, தலைவாசல் விஜய், குக் வித் கோமாளி பிரபலங்கள் புகழ் சிவாங்கி உள்ளிட்டோர் முக்கிய கதாபாத்திரங்களில் நடித்துள்ளனர்.
Happy to release the first look of ‘Agila Ulaga Superstar’ @actorshiva @iYogiBabu @PriyaAnand #karunakaran starrer #KasethanKadavulada
Produced and Directed by @Dir_kannanR #KasethanKadavuladaFirstLook @sivaangi_k @VijaytvpugazhO @mkrpproductions @DoneChannel1 @dnctheatresoffl pic.twitter.com/3wpFMOZBbN
— RJ Balaji (@RJ_Balaji) October 2, 2021
MKRP புரொடக்ஷன்ஸ் மற்றும் மசாலா பிக்ஸ் இணைந்து தயாரித்துள்ள இந்த படத்திற்கு N.கண்ணன் இசையமைத்துள்ளார். தற்போது இந்த படத்தின் படப்பிடிப்புகள் நிறைவடைந்து இறுதிக்கட்ட பணிகள் விறுவிறுப்பாக நடைபெற்று வருகிறது. இந்நிலையில் காசேதான் கடவுளடா படத்தின் பர்ஸ்ட் லுக் போஸ்டர் வெளியாகி ரசிகர்களை வெகுவாக கவர்ந்து வருகிறது.