சி.எஸ்.அமுதன் இயக்கத்தில் உருவாகும் புதிய படம் குறித்த அறிவிப்பு வெளியாகியுள்ளது.
தமிழ் திரையுலகில் இயக்குனர் சி.எஸ்.அமுதன் இயக்கத்தில் தமிழ் படம் மற்றும் தமிழ் படம் 2 ஆகிய இரண்டு படங்கள் வெளியாகியிருந்தது. இந்த இரண்டு ஸ்பூஃப் வகை படங்களும் ரசிகர்களிடையே நல்ல வரவேற்பை பெற்றது. இந்நிலையில் சி எஸ் அமுதன் அடுத்ததாக இயக்கவுள்ள படம் குறித்த அறிவிப்பு வெளியாகியுள்ளது. Infiniti film ventures நிறுவனம் தயாரிக்கும் இந்த படத்தில் நடிகர் விஜய் ஆண்டனி கதாநாயகனாக நடிக்க உள்ளார். இந்த நிறுவனம் தற்போது விஜய் ஆண்டனி நடிப்பில் ரிலீசுக்கு தயாராகி உள்ள கோடியில் ஒருவன் மற்றும் காக்கி ஆகிய படங்களை தயாரித்துள்ளது குறிப்பிடத்தக்கது.
மேலும் சி.எஸ்.அமுதன் இயக்கும் படத்தில் நடிப்பது குறித்து பேசிய விஜய் ஆண்டனி ‘இந்த கதையை சிஎஸ் அமுதன் என்னிடம் சொன்னபோது முற்றிலும் வாயடைத்துப் போனேன் . தமிழ் படங்களின் குறைபாடுகளை கிண்டலடிக்கும் ஸ்பூஃப் வகை படங்களிலிருந்து முற்றிலும் வேறுபட்ட ஒரு திரில்லர் கதை இது . இந்த படத்தின் ரிலீசுக்கு பின் மிகச்சிறந்த த்ரில்லர் இயக்குனராக அவர் கொண்டாடப்படுவார்’ என கூறியுள்ளார்.