சி.பி.எஸ்.இ. பள்ளிகளில் 12-ம் வகுப்பு மாணவர்களுக்கு நடைபெறும் பொதுத்தேர்வு அட்டவணையை வெளியிட்டுள்ளது.
நாடு முழுவதும் இருக்கும் சி.பி.எஸ்.இ. பள்ளிகளில் 12-ம் வகுப்பு மாணவர்களுக்கு பொதுத்தேர்வு வரும் பிப்ரவரி மாதம் 15-ந் தேதி தொடங்கி மார்ச் மாதம் 30-ந்தேதி வரை நடக்கவுள்ளது . இதில், 137 பாடப்பிரிவுகளின் பொதுத்தேர்வு பட்டியலை சி.பி.எஸ்.இ. தேர்வுக் கட்டுப்பாட்டு அதிகாரி சன்யம் பரத்வாஜ் வெளியிட்டார் .அதில், 110 பாடப்பிரிவுகளுக்கான பரீட்சை காலை 10.30 மணியிலிருந்து பிற்பகல் 1.30 மணி வரையிலும் , 19வகையான பாடப்பிரிவுகளுக்கு காலை 10.30 மணியிலிருந்து பிற்பகல் 12.30 மணி வரையிலும் , 8வகையான பாடப்பிரிவிற்கு காலை 10.30 மணியிலிருந்து பிற்பகல் 1 மணி வரையிலும் தேர்வுகள் நடக்க இருக்கிறது .
இதில் காலை 10 மணிக்கு மாணவர்களுக்கு விடைத்தாள்கள் வழங்கப்படும், அவ்விடைத்தாளின் முதல் பக்கத்தில் பெயர், பதிவு எண் போன்ற விவரங்களை எழுதுவதற்காக 10.15 மணி வரை 15 நிமிடங்களும்,10.15 மணிக்கு வினாத்தாளும் வழங்கப்படும் என அறிவிக்கப்பட்டுள்ளது . வினாத்தாளை வாசித்து பார்ப்பதற்கு 15 நிமிடங்கள் ஒதுக்கப்பட்டுள்ளது , பின் 10.30 மணிக்கு தேர்வுகள் ஆரம்பிக்கும் என்றும் தேர்வு கட்டுப்பாட்டு அறை அறிவித்துள்ளது . கூடுதல் தகவல்களுக்கு www.cbse.nic.in என்ற இணையதளதில் பார்த்து தெரிந்து கொள்ளலாம் என்று கூறப்பட்டு உள்ளது.