சீனாவில் இருந்து வரும் புதிய வைரஸ் இந்தியாவில் என்ன பாதிப்பை ஏற்படுத்தும் என்பது பற்றிய தகவல் வெளியாகியுள்ளது.
சீனாவின் வூஹான் மாகாணத்தில் தோன்றிய கொரோனா தொற்று உலக நாடுகள் முழுவதும் பரவி ஏராளமான பாதிப்பை ஏற்படுத்தியது. இந்தியாவிலும் அவற்றின் தாக்கம் அதிக பாதிப்பை ஏற்படுத்தி வருகிறது. இந்நிலையில் மற்றொரு வைரஸ் சீனாவிலிருந்து பரவுவதாக விஞ்ஞானிகள் எச்சரிக்கை விடுத்துள்ளனர். தற்போது புதிதாக வரும் இந்த வைரஸ் இந்தியாவில் கடுமையான பாதிப்புகளை ஏற்படுத்தக்கூடும் என்று அவர்கள் தெரிவித்துள்ளனர்.
சீனாவில் பலருக்கும் ஏற்பட்டுள்ள இந்த புதிய தொற்று கேட் கியூ வைரஸ் இந்தியாவில் பரவ ஆரம்பித்தால் மூளைக் காய்ச்சல், காய்ச்சல் மற்றும் பிடியாட்ரிக் என்செபாலிடிஸ் போன்ற நோய்களை ஏற்படுத்திவிடும் என்று இந்திய மருத்துவ ஆராய்ச்சி கவுன்சில் விஞ்ஞானிகள் அறிவுறுத்தியுள்ளனர். CQV என்ற தொற்று ஆர்த்ரோபாட் மூலமாக பரவும் வைரஸ் அல்லது ஆர்போவைரஸ்களாகும்.
சீனாவில் பன்றிகளுக்கும் கொசுக்களுக்கும் இந்த தொற்று இருப்பது தெரியவந்துள்ளது. இந்திய மருத்துவ ஆராய்ச்சி கவுன்சில் மேற்கொண்ட ஆய்வின்படி இந்திய கொசுக்கள் CQV மூலம் மிகவும் எளிதாக பாதிக்கப் படக் கூடியவை என்பது தெரியவந்துள்ளது. CQV -ன் முதன்மை பாலூட்டிகள் ஸ்வைன்கள் என்பதும் வெளியாகியுள்ளது.
புனேவில் அமையப்பெற்றிருக்கும் தேசிய வைராலஜி இன்ஸ்டியூட் விஞ்ஞானிகள் நாடுமுழுவதும் சேகரிக்கப்பட்ட 883 மனித சீரம் மாதிரிகளில் CQV-கான ஆன்டிபாடிகள் 2 மாதிரிகளில் இருப்பதை கண்டுபிடித்துள்ளனர். இதன் அர்த்தம் அந்த இரண்டு நபர்களும் நோய்த்தொற்றுக்கு ஒரு கட்டத்தில் பாதிக்கப்பட்டவர்கள் என்பதே ஆகும்.
