தைபே, தைவானை தங்கள் நாட்டின் ஒருஅங்கம் எனக் கூறி சீனா சொந்தம் கொண்டாடிவரும் நிலையில், இருநாடுகளுக்கும் இடையில் போர்பதற்றம் நீடித்து வருகிறது. இந்த விவகாரத்தில் தைவானுக்கு அமெரிக்கா ஆதரவு தெரிவித்து வரும் சூழ்நிலையில், சீனாவின் கடும் எதிர்ப்பை மீறி அமெரிக்கா பாராளுமன்ற சபாநாயகர் நான்சிபெலோசி சமீபத்தில் தைவானுக்குச் சென்றார். இதன் காரணமாக கோபமடைந்த சீனா, போர் விமானங்களை தைவான் வான் எல்லைக்குள் அனுப்பி மிரட்டல் விடுத்து வருகிறது. இந்நிலையில் அச்சுறுத்திவரும் சீனாவிற்கு எதிராக தைவானும் ஏவுகணைகளை வீசி போர் பயிற்சியை தொடங்கி இருக்கிறது.
இதற்கிடையில் போர் ஒத்திகை முன்பே திட்டமிடப்பட்டது தான் என்றும் பதிலடி அல்ல என்றும் தைவான் அரசு விளக்கம் அளித்துள்ளது. அதன்பின் தைவான் வெளியுறவுத்துறை மந்திரி ஜோசப் வூ கூறியிருப்பதாவது, “தைவான் மீதான படையெடுப்புக்குத் தயாராக சீனா பெய்ஜிங்தீவைச் சுற்றி வான் மற்றும் கடல் பயிற்சிகளைப் பயன்படுத்தி படையெடுப்புக்குத் தயாராகி வருகிறது. தைவானில் பொதுமக்களின் மனஉறுதியை பலவீனப்படுத்தும் அடிப்படையில் பெரியளவிலான ராணுவப் பயிற்சிகள் மற்றும் ஏவுகணை தாக்குதல்கள், சைபர் தாக்குதல்கள், தவறான தகவல் பிரச்சாரம், பொருளாதார வற்புறுத்தல் ஆகியவற்றை சீனா வழிநடத்துகிறது என குற்றம்சாட்டி இருக்கிறார். சீனவுக்கு பதிலடி கொடுக்கும் விதமாக தைவான் ராணுவம் போர் ஒத்திகையில் ஈடுபட்டதால் பதற்றமான சூழ்நிலை நிலவி வருகிறது.