கட்டுப்பாட்டை இழந்த கார் மரத்தின் மீது மோதிய விபத்தில் 3 பேர் படுகாயமடைந்த சம்பவம் பரபரப்பை ஏற்படுத்தியுள்ளது.
தென்காசி மாவட்டத்திலுள்ள புளியங்குடி சிந்தாமணி நயினார் தெருவில் மகேந்திரன் என்பவர் வசித்து வருகிறார். இவர் தனது நண்பரான சுப்பையா என்பவருடன் காரில் திருநெல்வேலிக்கு வந்துவிட்டு முக்கூடல் வழியாக மீண்டும் ஊருக்கு புறப்பட்டுள்ளார். இந்த காரை சேகர் என்பவர் ஓட்டி சென்றுள்ளார்.
இந்நிலையில் அரிராம் நகர் விலக்கு அருகில் சென்று கொண்டிருந்த போது திடீரென ஓட்டுநரின் கட்டுப்பாட்டை இழந்த கார் சாலையில் தாறுமாறாக ஓடி மரத்தின் மீது மோதி விபத்துக்குள்ளானது. இந்த விபத்தில் படுகாயமடைந்த 3 பேரையும் அருகில் உள்ளவர்கள் மீட்டு மருத்துவமனைக்கு சிகிச்சைக்காக அனுப்பி வைத்தனர். இதுகுறித்து வழக்குப்பதிவு செய்த காவல்துறையினர் விசாரணை மேற்கொண்டு வருகின்றனர்.