லாரி மீது வேன் மோதிய விபத்தில் 2 பேர் பலியான சம்பவம் பெரும் பரபரப்பை ஏற்படுத்தியுள்ளது.
கடலூர் மாவட்டத்தில் உள்ள நெல்லிக்குப்பம் ராஜாஜி தெருவில் சவுந்தர்(41) என்பவர் வசித்து வந்துள்ளார். இந்நிலையில் சவுந்தர் அதே பகுதியில் வசிக்கும் 20 பேருடன் தென்காசி மாவட்டத்தில் உள்ள குற்றாலத்திற்கு நேற்று இரவு வேனில் சுற்றுலா சென்றுள்ளார். இந்த வேனை பிரபு(37) என்பவர் ஓட்டி சென்றுள்ளார். இந்நிலையில் திருச்சி- மதுரை நான்கு வழி சாலையில் சென்று கொண்டிருந்தபோது கட்டுப்பாட்டை இழந்த வேன் முன்னால் சென்ற தண்ணீர் லாரி மீது பயங்கரமாக மோதியது.
இதில் வேனின் முன் பகுதி சுக்குநூறாக நொறுங்கியது. இந்த விபத்தில் பிரபு, சவுந்தர் ஆகிய இருவரும் சம்பவ இடத்திலேயே பரிதாபமாக உயிரிழந்தனர். இதனையடுத்து படுகாயமடைந்த முருகேசன், முத்துக்குமார், மகேந்திரன், பார்த்தசாரதி, நடராஜன், சுரேஷ்குமார் உள்பட 8 பேரையும் போலீசார் மீட்டு மருத்துவமனைக்கு சிகிச்சைக்காக அனுப்பி வைத்தனர். இந்த விபத்து குறித்து வழக்கு பதிவு செய்த விசாரணை நடத்தி வருகின்றனர்.