உள்ளத்தை அள்ளித்தா, அருணாச்சலம், அன்பே சிவம், வின்னர், கலகலப்பு உட்பட பல்வேறு வெற்றி திரைப்படங்களை இயக்கியவர் சுந்தர்.சி. இவர் சென்ற 2006-ம் வருடம் வெளியாகிய “தலைநகரம்” திரைப்படத்தின் வாயிலாக கதாநாயகனாக அறிமுகமானார். சுராஜ் இயக்கி இருந்த இப்படம் ரசிகர்கள் மத்தியில் நல்ல வரவேற்பை பெற்றது.
இதையடுத்து தலைநகரம் படத்தின் 2ம் பாகம் உருவாவதாக சில தினங்களுக்கு முன் அதிகாரப்பூர்வமாக அறிவிக்கப்பட்டு பூஜையுடன் சூட்டிங் தொடங்கியது. இந்த படத்திலும் சுந்தர்.சி கதாநாயகனாக நடிக்கிறார். இத்திரைப்படத்தை வி.இசட்.துரை இயக்குகிறார். மும்முரமாக நடந்து வந்த “தலைநகரம்-2” படத்தின் சூட்டிங் அண்மையில் நிறைவுற்றது.
இந்த படத்தின் டீசர் வரும் டிசம்பர் 14ம் தேதி மாலை 5 மணிக்கு வெளியாகும் என அறிவிக்கப்பட்டிருந்தது. அதன்படி இந்த படத்தின் டீசரை படக்குழு வெளியிட்டுள்ளது. பெரும் எதிர்பார்ப்பில் உருவாகி இருக்கும் இந்த படத்தின் டீசர் இணையத்தில் தற்போது வைரலாகி வருகிறது.