வீட்டின் பூட்டை உடைத்து நகையை திருடி சென்ற மர்ம நபரை காவல்துறையினர் தீவிரமாக தேடி வருகின்றனர்.
தஞ்சாவூர் மாவட்டத்தில் உள்ள மனோஜிபட்டி பகுதியில் கலைச்செல்வன் என்பவர் வசித்து வருகிறார். இவர் தனது வீட்டை பூட்டி விட்டு தனது உறவினர் வீட்டில் நடைபெற்ற சுபநிகழ்ச்சிக்கு சென்றுவிட்டார். இந்நிலையில் கலைச்செல்வன் திரும்பி வந்து பார்த்தபோது வீட்டின் கதவு உடைக்கப்பட்டு இருப்பதை கண்டு அதிர்ச்சி அடைந்தார்.
அதன் பின்னர் உள்ளே சென்று பார்த்தபோது லாக்கரில் வைக்கப்பட்டிருந்த 16 பவுன் தங்க நகையை மர்ம நபர்கள் திருடி சென்றது தெரியவந்துள்ளது. இதுகுறித்து கலைச்செல்வன் காவல்நிலையத்தில் புகார் அளித்துள்ளார். அந்த புகாரின் பேரில் வழக்குப்பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.