இரண்டு மிளாக்களை வனத்துறையினர் பத்திரமாக மீட்டனர்.
தென்காசி மாவட்டத்திலுள்ள சிவகல்யாணிபுரம் அருகில் மிளா ஒன்று நிற்பதைப் பார்த்த பொதுமக்கள் உடனடியாக வனத்துறையினருக்கு தகவல் தெரிவித்துள்ளனர். அந்த தகவலின்படி சம்பவ இடத்திற்கு விரைந்து சென்ற வனத்துறையினர் அந்த மிளாவை பிடித்தனர்.
இதனையடுத்து காயமடைந்த அந்த மிளாவுக்கு வனத்துறையினர் சிகிச்சை அளித்து ஆம்பூர் கசிவு ஓடையில் விட்டனர். இதேபோல் சிவகல்யாணிபுரத்தில் இருக்கும் ஒரு தோட்டத்தில் 3 மாத பெண் மிளா குட்டி நின்றுள்ளது. இதனையும் வனத்துறையினர் பிடித்து ஆம்பூர் பீட் கசிவு ஓடையில் விட்டனர்.