சுற்றி வளைத்த நண்பர்கள்…. மாந்தோப்பில் நடந்த கொடூர சம்பவம்…. கிருஷ்ணகிரியில் பரபரப்பு…!!

தனியார் நிறுவன ஊழியர் குத்தி கொலை செய்யப்பட்ட சம்பவம் பரபரப்பை ஏற்படுத்தியுள்ளது.

கிருஷ்ணகிரி மாவட்டத்தில் உள்ள சொப்பட்டி பகுதியில் இன்ஜினியரான மோகன்பாபு என்பவர் வசித்து வந்துள்ளார். இவர் அப்பகுதியில் இருக்கும் தனியார் நிறுவனத்தில் ஊழியராக வேலை பார்த்து வந்துள்ளார். கடந்த 4 மாதங்களுக்கு முன்பு மோகன்பாபுவின் மோட்டார் சைக்கிளும், அதே பகுதியில் வசிக்கும் முருகேஷ் என்பவரின் வாகனமும் மோதி விபத்துக்குள்ளானது. இதனால் மோகன்பாபுவிற்கும், முருகேசனின் மகனான திலக் என்பவருக்கும் தகராறு ஏற்பட்டுள்ளது. இந்நிலையில் மோகன்பாபு தனது நண்பர்களான சிவப்பா, முருகேஷ் ஆகியோருடன் அருகில் இருக்கும் மாந்தோப்பு பக்கத்தில் அமர்ந்து பேசி கொண்டிருந்தார். அப்போது திலக் தனது நண்பர்களுடன் அங்கு சென்றுள்ளார்.

இதனை அடுத்து அவர்களுக்கு இடையே வாக்குவாதம் ஏற்பட்டுள்ளது. அப்போது கோபமடைந்த நண்பர்கள் மோகன்பாபுவை சரமாரியாக குத்தி விட்டு அங்கிருந்து தப்பி சென்றனர். இதனால் படுகாயமடைந்த மோகன்பாபுவை அருகில் உள்ளவர்கள் மீட்டு அரசு மருத்துவமனையில் சிகிச்சைக்காக அனுமதித்துள்ளனர். ஆனால் அங்கு அளிக்கப்பட்ட சிகிச்சை பலனின்றி மோகன்பாபு பரிதாபமாக உயிரிழந்துவிட்டார். இதுகுறித்து வழக்குப்பதிவு செய்த காவல்துறையினர் திலக், ராகேஷ், ஹேமந்த், சுரேஷ், மூர்த்தி, பவன் ஆகிய 6 பேரையும் கைது செய்து தீவிர விசாரணை மேற்கொண்டு வருகின்றனர்.