வாலிபர் அடித்துக்கொலை செய்யப்பட்ட சம்பவம் பரபரப்பை ஏற்படுத்தியுள்ளது.
சென்னை மாவட்டத்திலுள்ள மாம்பலம் பகுதியில் ஏ.சி மெக்கானிக்கான கோகுல் என்பவர் வசித்து வந்துள்ளார். இவர் ரெட்டிகுப்பம் சாலையில் தனியாக நடந்து சென்றுள்ளார். அப்போது அங்கு வந்த 2 பேர் கோகுலிடம் தகராறு செய்ததோடு, அவரை கற்கள் மற்றும் கட்டையால் சரமாரியாக அடித்துள்ளனர். இதனால் படுகாயமடைந்த கோகுல் சம்பவ இடத்திலேயே பரிதாபமாக உயிரிழந்துவிட்டார். இதுகுறித்து தகவல் அறிந்த காவல்துறையினர் சம்பவ இடத்திற்கு விரைந்து சென்று கோகுலின் சடலத்தை கைப்பற்றி அரசு மருத்துவமனைக்கு பிரேத பரிசோதனைக்காக அனுப்பி வைத்துள்ளனர்.
மேலும் இதுகுறித்து வழக்குப்பதிவு செய்த காவல்துறையினர் அப்பகுதியில் பொருத்தப்பட்டுள்ள சிசிடிவி கேமரா காட்சிகளை ஆய்வு செய்துள்ளனர். அதன் அடிப்படையில் சஞ்சய் சகாய ஜெபஸ்டின் ஆகிய 2 பேரை காவல்துறையினர் கைது செய்துள்ளனர். மேலும் முன்விரோதம் காரணமாக கோகுல் கொலை செய்யப்பட்டாரா என்ற கோணத்தில் காவல்துறையினர் விசாரணை மேற்கொண்டு வருகின்றனர்.