கொரோனா பாதிப்பு, டீசல் விலை உயர்வு போன்றவற்றால், சுற்றுலா வாகனங்களுக்கான வாடகை கட்டணம் உயர்த்தப்பட்டுள்ளது என சுற்றுலா வாகன ஓட்டுனர்கள் சங்க உரிமையாளர்கள் தெரிவித்துள்ளனர்.
இதுகுறித்து, தமிழக சுதந்திர வாடகை வாகன உரிமையாளர்கள் மற்றும் ஓட்டுநர்கள் சங்கத்தின் பொது செயலாளர் ஜூட் மேத்யூ கூறியதாவது:- கொரோனாவுக்கு முன்பு எஸ்யூவி வகை கார்களுக்கு வாடகையாக கி.மீ ரூ.14 வசூல் செய்யப்பட்டது. தற்போது இது ரூ.16 ஆக உயர்த்தப்பட்டுள்ளது. இதுபோல் ஹாஸ்பேக், செடான், டெம்போ உள்ளிட்ட அனைத்து வகை கார்களின் வாடகையும் அதிகரித்துள்ளோம். இவ்வாறு அவர் கூறினார்.