சுவையான பாசிப்பயிறு பாயசம்… செய்து பார்க்கலாம்…!!!

முதலில் பாசிப்பருப்பை குக்கரில் 2 கப் நீர் விட்டு வேகவைக்கவும். பின்பு வெல்லத்தை துருவி, சுடுநீரில் கரைத்து வடித்து வைக்கவும். பின்பு தேங்காய், பாதி முந்திரி, தோல் நீக்கிய ஏலக்காயை மிக்ஸியில் அரைத்து வைக்கவும்.

அதன் பின் மீதி முந்திரி, திராட்சையை நெய்யில் வறுத்தெடுக்கவும். பின்னர் அதே வாணலியில் கேரட்டையும் போட்டு வதக்கி எடுக்கவும். ஒரு அகலமான பாத்திரத்தை அடுப்பிலேற்றி வேகவைத்த பாசிப்பருப்பு போட்டு கரைத்த வெல்லத்தை ஊற்றி கிளறவும்.

பின்பு அரைத்த விழுது சேர்த்து கிளறவும். அதனுடன் வறுத்த முந்திரி, திராட்சை, கேரட் போடவும். கடைசியாக காய்ச்சிய பால் ஊற்றி, நன்கு கிளறிவிட்டு அடுப்பை நிறுத்தி பரிமாறவும்.